بنلف فى دواير
بنلف فى دواير و الدنيا تلف بينا
دايما ننتهى لمطرح ما ابتدينا
طيور الفجر تايهة فى عتمة المدينة
بتدور
ما بنكتبش الرسايل ما بنتظرش رد
لا حد فى يوم سمعنا و لا بنسمع حد
طيور العمر تايهة فى عتمة المدينة
بتدور
ساكنين فى عالم يعشق الخطر
فيه الطيور تهرب من الشجر
و تهرب النجوم من القمر
و تهرب الوجوه من الصور
بنلف فى دواير ندور على الأمان
و نلائينا رجعنا تانى لنفس المكان
ندور ندور ندور
بنلف فى دواير و الدنيا تلف بينا
دايما ننتهى لمطرح ما ابتدينا
طيور الفجر تايهة فى عتمة المدينة
بتدور
نحلم و نحلم بالحياة المفرحة
و اتارى احلامنا بلا أجنحة بلا أجنحة
ندور ندور ندور
بجناح حزين مكسور
ساعات نشوف فى العتمة
و ساعات نتوه فى النور
ساعات عيونا بالاسى تفرح
وساعات فى ساعة الفرح منوحة
ولا حاضر ولا ماضى تروس بتلف عالفاضى
ولا فينا شباب زعلان و لا فينا شباب راضى
مفيش غير اننا بندور و ندور و ندور
ندور ندور ندور
ولا فينا شباب زعلان و لا فينا شباب راضى
مفيش غير اننا بندور و ندور و ندور
ندور ندور ندور
شكرا لكم
ليست هناك تعليقات:
إرسال تعليق
شكرا لكل من ترك تعليقا