دخلت مرة فجنينة, أشم ريحة الزهور
واهنى نفسى الحزينه, واسمع نشيد الطيور
بصيت لقيت عالغصون .. بلبل ووياه وليفته
واقف معاها فسكون .. انا فرحت اما شفته
فارد جناحه عليها .. وبيراعيها بحنان
وهو من حبه فيها غنى لها لحن الأمان
وقال لها ياملاكى اللى تعوزيه إطلبيه
روحى وعقلى فداكى .. حبيبك إوعى تسيبيه
وبعد مده طويلة فى شرب كاس الوصال
لقيت حبيبته الجميلة ساقت عليه الدلال
طارت مسألتش فيه وخلفت له العذاب
مسكين يا روحى عليه .. قلبه من الوجد داب
سهر يعد النجوم .. والبدر شاهد عليه
طالت عليه الهموم وبس يصبر بإيه
واللى كمان زاد عذابه وليفته لافت بغيره
وزودت له مصابة وذاق يا روحى مصيره
خرجت صعبان عليا .. حالته تبكى الجماذ
حفظ ودادها وهي خانت عهود الوداد
شكرا لكم
منال رأفت
