كلمات عبد الرحيم منصور
الحان الموسيقار عمار الشريعي
ان كنت ليا وانا ليك
على كيفي يا غزالي اتعاجب
شبك الهوى مطروح حواليك
سلم بطرف الحواجب
عيني .....سلم بطرف الحواجب
عيني عليا....
عيني عليا انا خايفة عليك
خايفة من الزمن الغادر
لا يخلَى بيا ويلعب بيك
اصله على العشاق قادر
شرياك يا عمري.....
شرياك يا عمري وشارية عينيك
لانا عايزه قصر ولا حراير
باحلم ايديا تنام في ايديك
ملهوف عليك قلبي وحاير
ولفين ياعمري...
واخدك لفين مشوار الليل
وانت اللي محتاج لحناني
واقول لروحي الصبر جميل
والفرح هييجي معاك تاني
ان كنت ليا وانا ليك
على كيفي يا غزالي اتعاجب
شبك الهوى مطروح حواليك
سلم بطرف الحواجب
عيني .....سلم بطرف الحواجب
نقلتها لكم
منال رأفت
ليست هناك تعليقات:
إرسال تعليق
شكرا لكل من ترك تعليقا