حرام ... كلمات الأغنية الرائعة لهاني شاكر

هذه الأغنيه إهداء لكل اعداء الحياة فى كل مكان.

لكل المتصارعين على أى شئ و كل شئ.

يا ناس ده حرام ... يا ناس ده حرام ... يا ناس ده حرام

كلمات الأغنيه

حطام ركام ونار عايشه البشر فيها

صراع ضياع وضاع من الدنيا معانيها

بنقتل نفسنا بادينا بنفنى الكون بسواعدنا

وضاعت كل كلمه حق وضاعت حتى كلمه لأ

 ولاواحد ضميره رق بصوت مكسور من الحرمان

بنادى بعزم ما فيا

بنادى بأه مدويه

ياناس دا حرام

ياناس دا حرام

عاندنا بعدنا عن المعنى اللى متنزل فى اى كتاب

غرورنا جررنا لليل واجم طريق واهم نهايته خراب

حرام عليك يادى العالم حرام واحنا بنى ادم

وجينا الدنيا لجل نكون ونزرع فيها زهر الكون

فسيبنا الفرصه للملعون وبقالك حس اهو ياشيطان

بنادى بعزم مافيا

بنادى باه مدويه

ياناس دا حرام

ياناس دا حرام

منيش موسى ولا عيسى ولا ربى خلقنى رسول

دانا انسان وبتعذب ومن يأسى ادينى بقول

بقول وبحسى أنا الضعفان ياناس طمعان اعيش فى امان

ونفسى فى نور وحريه نفسى الخير يابشريه 

وادينى بمد انا اديا لاى ضمير فى اى مكان

بنادى بعزم مافيا

بنادى باه مدويه

ياناس دا حرام

ياناس دا حرام

شكرا لكم 

منال رأفت

الوقت مش وقتك... رائعة هانى شاكر

كن كما انت ولا تتأثر بتقلبات البشر حتى لو شعرت ان الزمان غير مناسب لك او المكان , و مهما خانك من حولك لا تيأس فسوف تجد يوما من يفهمك و يقدرك و يخلص لك.  

كلمات الأغنيه

الوقت مش وقتك

ولا الزمان زمانك 

يا قلبى صدقتك

ودقت احزانك 

لو الليالى عليك

أمن ولا تخون

مهماالبشر حواليك

تكدب وتتلون 

امشى وقول غنوتك

من قلب احساسك 

لو ناس كتير فارقتك 

هتلاقى يوم ناسك

اوعى تحس بندم

على اى شىء فاتك 

فى كل خطوة قدم

يا قلبى عيش ذاتك

شكرا لكم

منال رأفت

انتهى المشوار ... كلمات اغنيه كاظم الساهر الرائعة.

كلمات 

نوفل بن فيصل

أقولها بكل اختصار

أنتهى المشوار

كأننا كنا في قطار

أصحاب لكن في قطار

رحلة سعيدة وباقي التذكار

كان الوهم يكذب علينا والظروف

كنا نخاف من الحقيقة وأي خوف

أنا صحيح انزف صحيح انزف ..أنا انزف أنا

و انت على كيفك تصفين الحروف

اعيشك الطفل الوديع واحبك الطفل الوديع

يا متعبه كل الدروب في دنيتي .. يا غربتي .. يا غربتي

ضعتي واكيد اني اضيع لو أستمر 

الوقت في عيني انكسر آه يالـقهر

ليتك تحسين القهر أو تفهمي معنى التعب والانكسار

لا هو أنا الغطوة يابنت الحلال

ولا أنا قارورة العطر الثمين اللي انتهى

أبذكر القسوه والجرح لما سال

و أبذكر الصمت وعنى الليلي الحزين واللي اجرحه

ما فات اريد انسى

والشوق اريد انسى

و بـ اهجر الاخبار والوعد والمسيار

أقولها بكل اختصار

انتهى المشوار

شكرا لكم 

منال رأفت 

إسمك وبس ... أغنية هانى شاكر الرائعة

كلمات الأغنية

حبيبى لا ... حياتى لا ... و أغلى حاجة عندى لأ

دا أنت يا روحي تستحق أناديك بكلمة تكون أرق

إسمك وبس كفايه أسمك وبس

نغمة وحروفها غنايا أسمك وبس

الدنيا وأنت معايا الثانيه فيها كفايه

الثانيه فيها كفايه

******

يا أحلى أحلى الناس يا أغلى أغلى الناس 
خدني هواك إمتى

يا أحلى أحلى الناس يا أغلى أغلى الناس 
وشغلتني إمتى

ميكونش في يوم ما صحينا لاقينا الدنيا ملك إيدينا

أو لما الهوى جه سوا وجرحنا برمشه وسمى علينا

يا للي معاك خليت الهوى الهوى والشوق يحلوا

تبعد تنعد تقسى تنسى 

إنسى ولو

الدنيا وأنت معايا الثانيه فيها كفايه

******

يا روحي الروح وياك

يا عمري العمر فداك ده أنت الحنان أنت 

يا روحي الروح وياك

يا عمري العمر فداك ومين كمان أنت

أنت الأفراح والهنا اللي أنا طول عمري بحلم بيهم

وأنت الأيام الحلوه اللي مفيش غنوه تقول معانيهم

يا للي معاك خليت الهوى, الهوى والشوق يحلوا

تبعد تعند تقسى تنسى 

إنسى ولو


الدنيا وأنت معايا الثانيه فيها كفايه

شكرا لكم
منال رأفت

كلمات أغنية أحيانا ... لهاني شاكر

تأملات فى الأغنية

هذه الأغنية حالة من حالات اليأس الذى يتمكن من الأنسان المجروح فيجد نفسه يريد التخلص من احساسه بالحب و الإشتياق لحبيبه, و يشعر بأنه يريد تحطيم كل شئ جميل قدمه لمن يحب.

و لكنه يرجع و يبقى على من يحب.

فهكذا يكون الحبيب لا يستطيع إيذاء من يحب مهما بلغت به درجة الألم و اليأس فالحب هو الأبقى.

كلمات أغنية أحيانا

أحيانا ... 

ببقي مش عايزك نهائي

وأبقى نفسي أكون فدائي

وأنسف الحب اللي فيا

وأطلب الموت لاشتياقي 

أحيانا ...

ببقي شايفك نار في دمى

و بقى عايش كل همى

انو أفوق منك يا وهمى

وأتولد لحظة فراقي 

ببقي نفسي أهد كل قصور بنيتها عشان خسارة تسكنيها

وأبقى نفسي كل فرحة وهبتها لك تبقى دمعة تحزنيها 

بس لسه اليأس ما تمكنش منى

يعني لسه برضه باقي ...

******

أحيانا ...

تبقى أغلى أمنياتي 

إني أنسى ذكرياتي

وأني أشيلك من حياتي

وأشترى عمرى اللي باقي 

أحيانا ...

ببقى مش عايز تحدى 

وانت عايشة الدنيا ضدى

امحي بغرورك وهدى

بس إلا كبريائي 

ببقى نفسي أهد كل قصور بنيتها عشان خسارة تسكنيها

وأبقى نفسي كل فرحة وهبتها لك تبقى دمعة تحزنيها 

بس لسه اليأس ما تمكنش منى

يعني لسه برضه باقي ...

شكرا لكم

منال رأفت  

نوع من الحب ... من الحياة .. مع أغنية عارفة لعلى الحجار

الحب أنواع كثيرة نعلمها كلنا فهناك الحب الرومانسى و الحب المادى و الحب العقلانى و حب المصلحة و غيرها.

و لكنى هنا سوف أتحدث عن نوع آخر من الحب لم أستطع إعطاء إسم له.

وجدت أنسب أغنيه لهذا النوع من الحب هى أغنية عارفة لعلى الحجار

نوع من الحب الذى يربط بين قلبين فيشعرا أنهما على درجة من الشفافية التى لا يجب معها أن تُرتَدى الأقنعة التى تحجب الحقيقة عن من نحب.

نوع من الحب تشعر معه أنك تقول كل ما تفكر فيه دون محاذير.

نوع من الحب تفتح فيه قلبك بدون خجل ممن تحب.

نوع من الحب تُظهِر فيه مشاعرك بدون حذر فتغضب و تثور و تحزن و تحب كما لم تفعل مع أى إنسان آخر.

نوع من الحب تشعر فيه أنك مع الأم أو الأب مما يضفى نوع من الراحة النفسيه على العلاقة الودية.

نوع من الحب تشعر فيه بالأمان و الثقة فى أن الحبيب لن يخذلك يوما.

نوع من الحب يتقرب فيه القلبين لبعضهما بنفس الدرجة فلا تبدو و كأنها مطاردة من طرف واحد.

نوع من الحب يشعر فيه الحبيبين و كأن كل لقاء هو أول لقاء فتمتلئ قلوبهم بالسعادة.

نوع من الحب لا توجد به محاذير تمنع التواصل بين القلبين فكل ما يمنع التواصل يزال بإرادة الحبيبين.

عندما نحب ... تُرفع كل المحاذير و تنتهى

و عندما يقل الحب ... تَظهر بعض المحاذير

و عندما ينتهى الحب ... لا يبقى إلا المحاذير

عارفه

كلمات الشاعر بهاء جاهين

الحان و توزيع الموسيقارعمر خيرت

بقلمى منال رأفت 

شكرا لكم

يمكن على باله حبيبى ... تحفه عفاف راضى ... من الزمن الجميل

كلمات الرائع عبد الرحيم منصور 

و ألحان الرائع بليغ حمدى

كلمات الأغنية

يمكن على باله حبيبى.. يمكن عن باله أغـيب

لكـن والله يـا حــبيبى.. عــن بالى مــا بتغيب

يمـكن تنسانى، لكن وانا مالى، دايماً على بالى

وعــن بالى مــا بتغــيب.. يمـكن حبيبى يمـكن

***

تخاصــم تصــالـح.. برضه أنت حبيبى

فـاكــرنـا ناسـيـنـا.. أمـــرك يــا حبيبى

ولا هاتنسانى، لكن وانا مالى، دايماً على بالى

وعــن بالى مــا بتغـيب.. يمـكن حبيبى يمـكن

***

أسـمـك مكتـوب يا حبيبى.. على القــمـر العالى هناك

قسمة ومكتوب يا حبيبى.. مـكتــوب ان انـا اهــواك

خايفة لا تنسانى، لكن وانا مالى، دايماً على بالى

وعـــن بالى مــا بتغــيب.. يمـكن حـبيبى يمـكن

***

لـيــالى صـــابـــرة يــا حـبيبى..

ولا انت بحالى دارى يا حبيبى

يمكن تنساني، لكن وانا مالي، دايماً على بالى

وعـــن بالى مــا بتغـيب.. يمـكن حبيبي يمـكن

شكرا لكم

منال رأفت

أغنيه ما انتهينا ... من أغنيات صابر الرباعى القديمة ... و معلومة عن صابر الرباعى

من هو صابر الرباعى 

هو مطرب تونسى ولد وعاش حياته في مدينة صفاقس، وقد نشأ وسط أسرة لها ميولات فنية يجيد العزف على العود والكمان

منفصل، وهو أب للطفل وطفلة هما «إسلام» و«صفاء».

كلمات الأغنية

ما انتهينا و العتاب ده بس ليه 

جاي تقول لى  بعد طول الهجر إيه 

ليه نعيد كلام قلناه 

ليه رجعلي تقلي اه اه 

ما انتهينا 

..........

ما علينا قال و جانى يقول لى تانى 

تاه زمانى خد معــاه كل الامانــى 

جاى و بتقول لى سماح قول لى إيه بس اللى جابك

مش حتلقى غير جراح انت صحيتها بعتابك 

هون عليا بيع كمان عمرى ما حديك امان 

..........

ما انتهينا 

ياللى ناسي ايه جرالي من الليالي 

ياللى بعت كل ودى عزيز و غالى

ليه اسامحك تاني ليه طب و اقول لجرحي ايه 

دا إنت ما خليتشي بينا اي شيئ ابكي عليه 

ذوق و جرب حوش كلامك
سبني متهنى بخصامك 

ما انتهينا

شكرا لكم

منال رأفت

كلمات أغنية حكاية كل عاشق ... لهانى شاكر ... من الزمن الجميل

لكل عاشق حكايه مختلفه و لكن لا تزال هناك حكايه مشتركه بين العاشقين ... و هى حكايه كل عاشق

كلمات الأغنية

حــكـايـة كــــل عــاشـق...

هــــي حـكـايـتـك يـاقـلـبي ..

وبــقـيـت إنــــت الـحـكـايـه

حــكــايـة كــــل عــاشــق

نــعـشـق ونــــدوب ونـسـهـر

ونـفـارق ... ونـفـارق فــي الـنهايه

...............

أول مشوارنا ضحكه عاشت فوق الشفايف

تـرسم قـلبين وتكتب حرفين فوق الشجر

اخـر مـشوارنا دمعه بتقول للحب شايف

احـلامنا ازاي بـتصبح لعبه في إيد القدر

ونــتـوه ويـــا اللـــى تــاهـوا

ونــــدوب زي اللـــى دابـــو

يـبـكـي الــحـب فـــي عـيـنينا

تحكـــى الايــــام عـلـيـنــا

حـكاية كـل عـاشق ...

...............

أيـــام ... أيــام وسـنـين يـاقـلبي

نـحلم والـحلم يـجري بينا فوق السحاب

أيـام وسـنين بـنرسم دنيا متعرفش دمعه

ولا بـتصاحب عذاب...

كـــانــت أيــامـنـا حــلــوه

أحـلى مـن أى غـنوه إتقالت في الغرام

كـــانــت دقــــات قـلـوبـنـا

لا تـقول من الحب دبنا ولا بتخاف الملام

كـنا لـو شـفنا عـاشق يبكي نبكي عليه

ونـقول هم الحبايب عايزين من الدنيا ايه

اتــاريـكـي يــادنـيـا كــنــتِ

غـــــــداره زي مـــا إنـــتِ

كــنــتِ ويـاريت مـا كــنــتِ عـلمتينا الهوى

عـلـمتينا الـهـوى...

ونــتـوه ويـــا يــلـي تــاهـوا

ونــــدوب زي يــلــي دابـــو

يـبـكـي الــحـب فـــي عـيـنينا

ضــحــك الايــــام عـلـيـنـا

حـكاية كـل عـاشق ..حكاية كل عاشق

...............

أنـا كنت زمان بغنى على عاشق قبل منى

دارت بيه الــســنـيـن

دلــوقـتـي مــافـيـش مـغـنـي

إلا وبـيحكي عـنى لـلناس والـعاشقين

أنـــا كــنـت وكـــان زمـانـي

مــلـيـان فــــرح وأمــانــي

لاعرفت الحيره عمري ولا دوبني الحنين

دلـوقتي أنا والليالي عايشين زي الصحاب

تبكي الايام لحالي .وانا بسال عا اللى غاب

لالــقــيــت رد لــســؤالــي

ولا بــيـجـيـنـي الـــجـــواب

لاانـــا عـــارف لـيـه عـشـقتك

ولا عــــارف لــيـه فـارقـتـك

لـكن قـدر الحبايب مكتوب فوق الجبين

مكتوب فوق الجبين ...

حـكاية كـل عـاشق ..حكاية كل عاشق

*******

شكرا لكم 

منال رأفت

آسف على الأيام ... أغنية مدحت صالح الرائعة ... كلمات

كلمات الأغنية

آسف علي الأحلام 

كان عمرها قصير 

الحب زي الآلآم 

إحساس إحساس بيتغير 

حبيت 

ده ماضي وفني 

حنيت أكيد بعدها 

وبعدت من وقتها بحاول أنساكي

..........

آسف علي الأحلام 

..........

آسف لإني إبتديت 

وفي الاماني إتماديت 

صدقت قلبك ناديييييييت 

علي الحب جواااكي 

آسف 

..........

آسف علي الأحلام 

..........

آسف لإن السنييين 

صحت هوايا الدفين 

خالتني أبوح بالحنيييييين 

وقبلت أهواااااااااااكي 

آسف 

..........

آسف علي الأحلام 

شكرا لكم

منال رأفت

معقول نتقابل تاني ... كلمات أغنية هاني شاكر الرائعة

كلمات الأغنية

معقول نتقابل تاني 

معقول منتيش ناسياني 

معقول معقول معقول

بعدمادابت احلامي

بعد ما شابت ايامي

القاكي هنا قدامي

ده كتير اوي كتير اوي 

ده كتير اوي يازماني 

*****

ارجوكي ارجوكي ارجوكي استني عليا

ارجوكي ارجوكي متبصيش كده فعنيا

اناقلبي ميستحملش 

قابليني شويه شويه

*****

لاعملت حساب الصدفه

ولاقدعزاب اللهفه

شايفاكي عنيا وخايفه

لتكوني خيال واماني

بعد مادابت احلامي بعدماشابت ايامي

القاكي هناقدامي

ده كتيراوي كتير اوي 

ده كتيراوي يازماني 

*****

معقول واقفين بنسلم

مع بعض سوابنتكلم

وكئننا متقابلين

امبارح ولاحاسين

ان احنا بقالنا سنين

الشوق بينا بيتألم

قلبي الي فتحتوا عشانك

 من يومها قفلتوا عليكي

ولاحدش يملى مكانك

وادي قلبي خديه بايديكي

بعدما دابت احلامي

بعدما شابت ايامي  

القاكي هنا قدامي

ده كتيراوي كتيراوي 

ده كتير اوي يازماني كتيراوي يازماني

شكرا لكم 

منال رأفت

أغنية بكل الحب الرائعة للرائع هانى شاكر مع الكلمات

الكلمات فى هذة الأغنيه  تمس القلب و تمسنا كلنا

و عيش يا قلبى و إتعلم

كلمات الأغنية

كل العمر حبيته .. 

في حضن القلب خبيته .. 

بإسم الحب سميته .. 

حبيبي و دنيتي وفرحي .. 

اتاري الحب كان ذنبي 

وكانت غلطتي فقلبي .. 

فضلت اديلو من حبي .. 

لقيتني بساعده على جرحي .. 

وعيش يا قلبي واتعلم 

عيش يا قلبي واتعلم .. 

اتاري الحب .. 

حتى الحب .. 

لو يوم زاد عن حده .. 

يخلي قلب .. يجرح قلب 

ويتحول لشىء ضده .. 

وعيش يا قلبي واتعلم .. 

عيش يا قلبي واتعلم .. 

******

انا اللي طلعت استاهل 

وانا اللي بدنيتي بندم ..

سقيته حناني بالساهل .. 

وعمري ما سبته يتألم .. 

لا شاف مني عذاب ولا آه .. 

ولا حبي في يوم بكاه .. 

ملك روحي وعمري معاه 

وخد أكتر ما كان يحلم .. 

خد اكتر ما كان يحلم .. 

اتاري الحب .. 

حتى الحب .. 

لو يوم زاد عن حده .. 

يخلي قلب .. يجرح قلب .. 

ويتحول لشىء ضده .. 

وعيش يا قلبي واتعلم .. 

عيش يا قلبي واتعلم .. 

******

خساره يا عمر ضيعته 

في وهم مصدقه لوحدى .. 

مشيت ورا قلبي وطاوعته .. 

لقتني فسكتي وحدي .. 

يا ريتني ما عشت اتمناه 

ولا سلمت يوم لهواه .. 

ملك روحي وعمري معاه .. 

وخد اكتر ما كان يحلم .. 

خد اكتر ما كان يحلم 

اتاري الحب .. حتى الحب .. 

لو يوم زاد عن حده .. 

يخلي قلب يجرح قلب .. 

ويتحول لشيء ضده .. 

وعيش يا قلبي واتعلم .. 

عيش يا قلبي واتعلم .. 

شكرا لكم

منال رأفت

سألتك أغنية هانى شاكر مع الكلمات و الخداع المرير

قاسية هى الحياه عندما نكتشف اننا قد خُدِعْنا فى أقرب الناس إلى قلوبنا.

كيف يستطيع إنسان أن يخدع من يحبه إلى هذه الدرجة و مع السؤال المباشر عن الماضى يكون الجواب كاذبا و مخادعا؟

و لكن المحب المخدوع تدارك أمره و فضل الرحيل و إسدال الستار على قصة الحب الخادعة.

و كعادة الفنان الرائع هانى شاكر عبر عن الألم الموجود بداخل الحبيب المخدوع ببيراعة شديدة و أحساس رائع. 

كلمات الأغنية

سئلتك انتِ مين جاوبتي بكلمتين

حلفتي ان اللي بينا أول تجربه

رسمتي دمعتين وعينيكي الكدابين

لعبت دور الوفيه الصافية الطيبة

وسمعت حجات كتيرة جوبها لازم نفترق

ان انتِ قبلى سيبتى ألف قلب بيحرق

سئلتك عن ماضيكي في اول الطريق

قولتيلي ماضي عادي قولتيلي كان بريء

وفضلت ماشي عايم في بحرك الغريق

 كان حبك حب غالي كان واصل منتهاه

كان اقوي من الليالي كان اقوي من الحياة

مشواري كان معاكي مش عارف ايه مداه

كَدِبتي في الحقايق هربتي من الي فات

وفيتي بالدقايق وخنتي بالسعات

 قولتيلي بعدك انت ماضيا كله مات

عرفتي توهميني بالحب و بالحنان

عرفتي تملكينى خدتيني من الزمان

اديت لك عمري كله اديت لك الامان

حاولتي تخدعيني بصورتك الملاك

حاولتي تكسريني هربت من الهلاك

قربت قلبى قال لى حياتنا مش هناك

هوايتك الخيانة وحب الإنتصار

ودايما القويه في لحظة الإنكسار

و آخرة الضحية برقية اعتذار

لإنى طول حياتي مابحبش الخداع

لأني حبي ليكي مسيره  للضياع

مع إني لسه عايزك حفضل الوداع

مش حقدر ابقى واحد متعذب ليل نهار

مش ححلم بالسعادة بعدين اعيش بنار

حقرب النهاية حنزل الستار

حنزل الستار * حنزل الستار * حنزل الستار

 اه اه اه اه اه اه اه اه اه اه اه اه اه اه اه

شكرا لكم

منال رأفت

في عز ما كنت خاين ... كلمات أغنيه هاني شاكر الرائعة

كلمات الأغنية 

فى عز ما كنت خاين 

وضميري نام وسابني 

ايام ما عشقت نفسي 

وغرور الدنيا صابني 

فى عز ما كنت جارح 

لقيت قلبك مسامح

فى عز ما كنت رايح 

اخلاصك ليا جابني 

******

كل ما بتخيل صورتك 

سهرانه الليل مجروحه

خايفة من غدري وسايبة

كل الابواب مفتوحة 

بحزن على كل دقيقة

خليتك فيها حزينة 

واديت الفرصة لنفسي

تجرح وتفرق فينا 

فى عز ما كنت جارح

لقيت قلبك مسامح

فى عز ما كنت رايح 

اخلاصك ليا جابني 

*****

قبل ما اسلم عليكي

قبل ما تنزل دموعي

لقيت فرحة عينيكي

جريت حضنت رجوعي 

كان نفسي الاقي عتابك 

ودموعك تملى عينيا

خبيتي عليا عذابك

ولقيتك خايفة عليا 

فى عز ما كنت جارح

لقيت قلبك مسامح

فى عز ما كنت رايح 

اخلاصك ليا جابني 

فى عز ما كنت خاين 

*******

شكرا لكم

منال رأفت

كلمات أغنية اقولك بحبك ... اصالة

من أجمل ما غنت أصاله نصرى هذه الأغنية التى تعتمد على معنى غريب و هو ان تعترف الحبيبة بحبها لحبيبها فتجده لا يقدر هذا الحب و يطلب منها أن يفكر فى قولها, فيصدمها فى مشاعرها.

أدت أصالة هذه الأغنيه بإحساس رائع و أعطت بعدا عميقا للكلمات .

ااقولك بحبك .. تقولي افكر 

لإ واللى أغرب و أعجب و أخطر 

قلت اللى قلته وسبتني مصدومة فيك 

مش هو ده الي كان باين لي من عنيك 

صدقني خلتني بجد اندم عليك 

مش قادرة اصدق .. مش قادرة افكر 

ااقولك احبك .. تقولي افكر 

*****

وحياة كلمة بحبك .. الي انت محستهاش 

لانسى دلوقت حبك .. وكأني مقولتهاش 

ازاي نطقها لساني .. يارتك ما جيتلي 

انا مش حقولها تاني .. لو حتى إتقالتلى

قولت اللى قولته .. وسبتني مصدومة فيك 

مش هو ده الي كان باين لي من عنيك 

صدقت خلتني بجد اندم عليك 

مش قادرة اصدق .. مش قادرة افكر 

ااقولك بحبك .. تقولي افكر 

شكرا لكم

منال رأفت

ما هو أصعب شيء في الحياة ... مناقشات من الحياة ... مع كلمات أغنية صعب جدا لهاني شاكر

أجرينا هذا الحوار على صفحتنا بالفيس بوك, و كان كالتالي: 

بدأت أنا بالسؤال وهو

ممكن سؤال للمناقشة لو تفضلتم, أنا اعلم ان الحياة بها صعوبات كثيرة و لهذا أسأل حضراتكم لو تفضلتم 

ما هو أصعب شيء في الحياة من وجهة نظركم؟

هل هو رؤية الدموع و الآلام في عيون شخص عزيز عليكم؟

هل هو فراق حبيب أو عزيز لأى سبب؟

هل هو الفشل في تحقيق أمل في الحياة؟

هل لكم رؤيه أخرى ؟

قالت الآنسة Rokia . O:

 the death (الموت)

ردى أنا: 

ربنا يرحمنا. 

أضاف أستاذ Mohammad . I:

 أصعب شيء في الحياه من وجهة نظري هو الفشل في تحقيق أمل وهدف منشود كنا نسعي ونعمل بجد من اجل الوصول اليه ...

ردى أنا: 

شكرا يا أستاذ محمد على المشاركة ربنا يخليك.

قال الأستاذ اسير الصمت:

هو الفشل في تحقيق امل ومن هذه الآمال هو الارتباط بمن تحب فاذا فقدت من تحب فستفقد طعم الحياه.

ردى أنا: 

 شكرا لحضرتك اسير الصمت انت كده ذكرت نوع من الفشل صعب للغاية و هو الفشل في الارتباط بمن نحب و فقدانهم.

أضاف اسير الصمت:

يمكن ده اصعب أنواع الفشل لأنى أي حاجه تانية ممكن تتعوض ما عدا الحب

قال الأستاذ احمد .ع . ا.

تسلم ايدك يا دكتورة موضوعك قيم وجميل ومفيد

فعلا الحياة بها الكثير من الصعاب والالام فى الحياة وتتنوع الصعوبات وتختلف الالام من شخص لآخر فليس ما يؤلمني يؤلم غيرى وليس ما اعتبره صعبا لي هو صعب للآخرين

فانا أقول من وجهة نظري كلهم صعاب لا اتمناها لاحد

ولكن ما أظنه اكثر الماً لي هو فراق حبيب وعزيز وغالى لدى فحقا لحظة الفراق هي اصعب واشد اللحظات الما ولا يضاهيها ألم فالإنسان هو مكمل لأخيه او اخته او امه وابيه او حبيبته وزوجته فان غاب الحبيب والغالي والعزيز بالتأكيد سيؤثر بالسلب والالم الشديد علينا 

لا جمعه الله على احد 

تسلم ايدك يا دكتورة

أضاف أستاذ Mohammad  . I: 

لا شكر علي واجب دكتوره ،

قال الأستاذ Mahmoud . Sh:

الزمن اللي احنا فيه.

قال المهندس Mohamed . Sh:

أرى ان الفشل في تحقيق امل للمستقبل هو اصعب شيء ويحزنني كثيرا وهو ما اعيشه حاليا فبالنسبة لي انا حزين طبعا على بلدي وحزني الأكثر بسبب عدم تمكني في اتخاذ خطوات للرقى بها لمستقبل افضل ليس لي بل لأولادي

و قال أيضا الأستاذ رمضان س . م:

الغربة !!!!!!!!! بها صعوبات كثيرة فيهااا الثلاثة رؤية الدموع و الآلام في عيون شخص عزيز عليكم؟

هل هو فراق حبيب أو عزيز لأى سبب؟

هل هو الفشل في تحقيق أمل في الحياة

ردودي على الأصدقاء و التي جاءت في اليوم التالي للحوار:

ردا على الأستاذ أسير الصمت:

كلامك صحيح يا سيدى و فعلا فقدان الحبيب لأى سبب حتى و لو باختيارنا بسبب إجبار الظروف مؤلم جدا و أشد إيلاما من الموت ذاته. اسير الصمت

ردا على الأستاذ أحمد . ع . ا:

تسلم يا أستاذ أحمد فعلا فراق الأحباب هو أشد أنواع الألم لا أرانا الله هذا ابدا و إياكم

ردا على الأستاذ Mahmoud . Sh :

للأسف يا أستاذ محمود فعلا الزمن اللي احنا فيه هو المتسبب في أغلب الآلام و المشكلات و الفشل و أنواع الإحباط المختلفة الى حد كبير ربنا يرحمنا.

ردا على المهندس  Mohamed . Sh :

وضعت يدك يا باش مهندس على مكان الألم و الجرح فهذا هو ما يحزننا جميعا و يصيبنا بالإحباط و يؤدى بنا إلى الاكتئاب و الفشل ربنا يرحمنا 

ردا على الأستاذ رمضان . س . م:

للأسف يا أستاذ رمضان آلام الغربة اكثر و أعمق بكثير مما ذكرنا و فيها كل أنواع الألم و من مر بها يعرف هذا و هو نوع من الألم لا نستطيع وصفه ولا يقدر بثمن و لا يشعر به إلا من مر بنفس التجربة أعانك الله عليها و أعان الجميع

و تفضلت الدكتورة Dr Aeda . N بإضافة التعليق التالي:

في رأيي اصعب شيء هو مقاومة الفساد وجهاد النفس

ردى أنا: 

صدقت و الله يا دكتورة عايده و الفساد هو سبب كل بلاء و النفس هى ما يقودنا لكل خير أو شر الف شكر لحضرتك 

قال الأستاذ Yasser . A: 

فراق الوطن اصعب.

ردى أنا :

عندك حق أستاذ ياسر الوطن يعيش فينا و فراقه يصعب علينا جدا

و قال الأستاذ : Hamza . A: 

الفشل في تحقيق أمل في الحياة.

ردى أنا :

فعلا يا كابتن حازم عدم تحقيق الأمل من أقسى أنواع الفشل 

خلاصة الحوار: 
خلصنا إلى

• من أكبر المصاعب التي تسبب إيلاما للنفس فراق الأحبة و التي اجتمع عليها غالبية الآراء سواء بالفشل في الارتباط لأس سبب  كان أو بالموت .
• الفشل من أكبر الصعوبات التي تواجدنا في حياتنا بصفة عامة و للفشل أنواع كثيرة و أسباب كثيره منها الإحباطات الداخلية و الخارجية والتي ترتبط بالأحوال العامة حولنا في بلادنا و حياتنا بصفة عامة.
• الدموع فى عيون الحبة قاسيه على القلوب و لا يحتملها الكثيرين .
• الغربة وهى صعوبة كبيرة و ألم شديد على النفس لا يحتمله الكثيرين وأي شيء أمامه لا يساويه. فالغربة تجمع كل أسباب الألم و كل أنواع الصعوبات في طياتها.
• من الصعوبات التي لا يدركها الكثيرين مجاهدة النفس على ترك المعاصي و مجاهدة الفساد في عصر كان الفساد فيه أعم و أسهل من العفاف.
• و من المؤكد أن الصعوبات كثيرة  

و وجدت أن هذه الأغنية مناسبة للموضوع و على الأصح هي التي أوحت لي بفكرة الموضوع فوضعتها لكم فهي ممتعة بحق و شكرا لهاني شاكر. 

كلمات أغنية صعب جدا لهاني شاكر

صعب جدا

صعب جدا تبقى شايف قدام عينيك حد انت بتعشقه مليان آلام

صعب جدا تبقى شايف كل دمعة من دموعه نازلة حايره من عينيه من غير كلام

صعب جدا تبقى واقف بين ايديه شايف ايديه حاضنه الألم من غير أنين

تبقى مش عارف تروح فين ولا فين تبقى ناسى حتى انت تبقى مين

صعب جدا

صعب جدااااا

******

يا حبيب عمرى وحياتي ونور عينيا
يا أرق ملاك نزل ع الأرض ديا 

عمرى ما احلم انى اشوفك تنكسر يوم وانت جنبي

دا انت روحي ونور حياتي انت عايش جوا قلبي 

كل ثانية في عمرى فدى نظره الم

كل لحظة في عمرى فدى لحظة ندم

مش هسيبك تنجرح تانى ف حياتك
 حالف انى اعوضك كل اللي فاتك

******

قلبي حاسس يا حبيبي انى راجع بيك زمانى

وان جوا قلبك انت هو دا هيكون مكاني

راجع وشايلك جوا عيني أسقيك حبيبي من حنيني

يارب عمرى ما اشوف دموع
نازلة تاني من عينيك
تلقى كل الدنيا عندك
جايبة نور الفجر ليك 

تلقى فرح العمر جايلك 
وبكرة دايما بيناديك

تلقى كل حبيب لقلبك 
حاضنه انت بين اديك

*****

مش هسيبك تنجرح تانى ف حياتك
حالف انى اعوضك كل اللى فاتك

حالف انى اعوضك كل اللى فااااااااااااااااتك

أرجو ان تكونوا استمتعتم بالحوار ووجدتم به جديدا مفيدا 

و شكرا لكم

منال رأفت