بفكر فى اللى ناسينى
كلمات: حسين السيد
ألحان: محمد عبد الوهاب
غناها الموسيقار محمد عبد الوهاب سنة 1957
بفكر في اللي ناسيني
وبنسى اللي فاكرني
وبهرب من اللي شاريني وادور عاللي بايعني
وادور ليه على جرحي وصاحب الجرح مش فاكر
واقول يا عيني ليه تبكي مدام الليل ملوش اخر
عذاب الجرح يحرمني من الدنيا اللي انا فيها
وطول الليل يرجعني لدنيا كنت ناسيها
اهجر حبايبي وخلاني وانسى قلوب عايشة عشاني
وروح أدور على ماضي كان لي فيهم حب زمان
اشرب لوحدي كاس فاضي دايما بفكر فيه مليان
وافكر في اللي ناسيني وبنسى اللي فاكرني
وبهرب من اللي شاريني وادور عاللي بايعني
اهجر حبايبي وخلاني وانسى قلوب عايشة عشاني
وروح أدور على ماضي كان لي فيهم حب زمان
اشرب لوحدي كاس فاضي دايما بفكر فيه مليان
حبيب القلب يا ناسيني يا فاكر قلبي بعذابك
لو انساك في يوم تلاقيني نسيت الشوق على بابك
بحبَّك يا قاسي واحب انشغالي في حبك وعهدك على القلب غالي
وياما الليالي عذابها شكالي وانت اللي عندي حبيب الليالي
صعبان عليَّ اللي نسيته لما قاسيت الي قاسيته ويَّا اللي هاجرني
أتاري ذنبي اللي جفيته عايش في ظلم اللي هويته
بيخلصه مني
مظلوم لكن المقسوم مقسوم مكتوب لي أحب اللي ضناني
لا جفاه نسَّاني هواه ولا تاه حبي من فكر اللي هواني
بافكَّر في اللي ناسيني ..
ليست هناك تعليقات:
إرسال تعليق
شكرا لكل من ترك تعليقا