إنت محبط؟؟؟
طيب عارف السبب؟؟؟ ولا مش عارف السبب؟؟؟
تعالى نتكلم مع بعض
أولا و قبل اى شى إفتكر إن ربنا موجود و كبير
ثانيا لازم تكون عارف إن كل الناس اللى قبلك مروا بنفس الإحساس ... خد من تجاربهم
جرب تدور حواك على حاجة تعملها تخرجك من الاحساس ده.
لو عارف السبب نبدأ فى العلاج
سبب إحباطك إيه
** مش لاقى شغل؟؟؟ حسن من نفسك و إمكانياتك و عيد حساباتك و شوف حاجة تعرف تعملها و تحبها و إبدأ فيها من أول درجة .. هتحب نفسك اوى لما توصل لهدفك ة تعلى وتنجح.
** مش لاقى حب ؟؟؟ دور كويس أكيد فيه ناس بتحبك و إنت مش شايفها.
** ضاع منك حب العمر؟؟؟ يبقى مش نصيبك و أكيد خير لك .. وافتكر كام واحد فينا ندم على حبه لإنسان مش يستاهله
** عندك مرض تاعبك ؟؟؟ كل الناس مرضى .. بس انواع.
ممكن صحيح جسديا و عليل نفسيا !! يبقى أصعب و أصعب
إحمد ربك على اللى عندك و إدعى له يعافيك و يرضيك
** عندك عاهه ؟؟؟ يمكن تكون احسن من الصحيح جسديا و المثل بيقول كل ذى عاهة جبار .. يعنى له قدرة جبارة فى فعل شئ.. ما عليك إلا انك تتعرف على قدراتك و تستخدمها.
أما بقى لو مش عارف إنت محبط ليه يبقى تستعيذ برب العالمين من الشيطان الرجيم و تخرج تشوف لك حاجة حلوه تعملها لحد وترضى ربك وتساعد الناس وتصل الرحم ولا زور مريض.
لو بصيت للناس هتلاقى عندهم كتير متاعب و تحمد ربك على نعمته عليك
هتلاقى الإحباط اللى جواك راح و خرج من قلبك وعرفنى بعدها.
العمل و العمل و العمل هو العلاج
جميل أن نبقى سويا
Nice to be together
كتبتها لكم
منال رأفت
ليست هناك تعليقات:
إرسال تعليق
شكرا لكل من ترك تعليقا