المقدمة
أيام الحب ماكان عادى
ولا كان الشوق للناس تهمة
ولا نظرة عين و حنين ازمة
ولاعقل الناس خاوى و فاضى
حن يا ماضى
تصور ناس أملها تعيش حبة شجن
تدوب ويا حنينها و تعشق الوطن
فيه ناس تقول حرام و ناس تمسك لجام
نسكت و نخاف وندفع من أحلامنا الثمن
*********
تصور لما عوزنا نقول للظلم لا
اتحكم فينا خوفنا رجعنا و قولنا آه
فيه ناس تقول يا كافر, و ناس تخلع ضوافر
و ناس فضلت تعافر و تمسك فى الحياة
النهاية
ايام شبه الايام لكن مش هى
اوهام و نقول احلام حلوه وورديه
الخوف الوان واللون بهتان
حتى الانسان مبقاش انسان
حوالينا فى كل مكان قضبان
ونقول عالسجن ده حريه
شكرا لكم
منال رأفت
ليست هناك تعليقات:
إرسال تعليق
شكرا لكل من ترك تعليقا